Rarahan Ku Du Simsiman
Rarahan ku du simsiman Maydid as masunung. Rarahan namen du taaw Marahem as masari.
Du katuhus nu kawud Miyan pa’w suyut ku Am uyud a masdep U kanakem ku dimu.
Ay! Mangay, mangay ta na Ta nu vuhan am dumada. Ay! Mangay, mangay ta na Tan’ vituhen am tumilit.
Nu umdivun diyaten Mapnu nu kasuyut Am uyud a masdep U kanakem ku dimu
Rarahan ku di Malayu Tumayara di Malakdang Ta imu prinsesa Vinayat nu prinsipe
Arava u chirin Mayñen dana’w singit Nu chakey na vatahen Am ichaddao ku pa’ymu.
Yaken Manumanuk
Yaken manumanuk Abu danas’ pañid Maypirmi dana Du uyugan nu ranum.
Anu avak nu’ahep Mayvinuvinuhu aku Du nakasbang ku Na du addao.
Tarek mu’a vatahen u kayan nu matarek a ichaddao ku. An di ka machimamayvuh A ichaddao kud’ atun tana’ya A mamanda danan’ chuwa du hañit.
Minayendes Ku Naymun
Minayendes ku na’imu A panipanitahen Du maraw as mahep Am aravaw kayvan ku.
Du pinakaychehan ku Mawritek a tabayan Minayvangun aku Kasitnan ku’a mayam.
Du pinanahanan ku Makarang awri’a tukun. Minatuluk aku Nu aru kawayan.
Am dinidiew ku ava Ta du vatahen da Am aran ipavuya ku pa dimu.
An sinu pa dinyu U maychawut su kasisin Am ivahey dava Ta navahey as maydamnay
Ara Mu Manakem
Ara mu manakem U nakavata ku siya dimu Du ‘sa kahep Du kakuryap nu vuhan? Maparin ku pava’w Maddao aran sinu pa
Maparin ku pava’w Maddao an di’a vuken a imu Madiman aku su mavawa dimu Makapatak as ka di mu tañisan Ta nu huu mu’am ichaparin ku pa’va Mirwa maviyay.
Ivatan Kamu Sawen
Ivasay kamu sawen Ta masasaray kamu. Di chami a masasaray A mangket du Gobernador
Tralalala lalalalala Tralalala lalalalala
Di chami a masasaray A mangket du Gobernador
Switchable words
• Imahatao Mavavaya Kavuridawan
• Ivana Malilichwad Di’Maviyen
• Iuyugan Malilimeng Kasanidwan
• Isabtang Makekelnaw Kaamungan
• Itbayat Mahahatay Katatusan
• Ivatan Mangangavid Mavid su kavahayan
Mindichayakay
Midichayakay aku Ta natayenep ku’imu Du kasayap dan’ kadudway As karyal nu vituhen.
Mindichayakay aku Ta taytu aku’a nawara Ta miyan napawnut jaken Du lawngan nu bintan mu.
Maynehaw salawsaw Tud’ mamenda du ahbet. Asdep nu vuñitan Mayneha as maytayenep.
Nu iñeyñenen ku’aw ri Nu nadiman du tawul na Akmas’ kaparin ku Madiman du tawul mu.
Ahapen mu pa yaken A payvangunen du tana. Ngay ta madiman aku A ka’mutan nu hutek.
Rarayen mu pa yaken A katkaten du tana. Pusjen paw tawul ku Du maddaw a tawul mu.
U Tana Du Kaydawran
Miyan ichaddao ku a kavahayan A machimangket du kaydawran Nu tawutawu am mapapangtu Kanu uyud ku’a kaydamnayan.
Tana du kaydawran Mayngaran su Batanes Ma’bu ava U pangtu kanu addao
Kavahayan a ichaddao Aran uyud a makasyasi Manda anchuwa’m Ipangyaw ta’w “Mabuhay!”
Ano’ng Pangalan Mo?
Ano’ng pangalan mo? What is your name? Angu ngaran mu? Taga saan ka ba? From, where are you? Yapu ka dinu? Doon sa malayo. From far away. Du marayi.
Minamahal kita. I love you, so. Ichaddao ku’imu. Kung ikaw ay lalayo. If you go away. An kumaru ka. Malulungkot ako I’ll be lonely. Mangsah aku.
Iiyak ako. I’m gonna cry. Tumañis aku. ‘Pag iniwan moa ko. If you leave me. An karwan mu yaken. Ngayong wala ka na. Now that you’re gone. Du ka’bu mu na.
Naalala ka. I remember you. Manakem ku’imu. Miss na miss kita. I miss you, so. Ichangsah ku’imu. Nasa’n ka na ngayon? Where are you now? Ara ka paru dinu? Bumalik ka sa’kin. Cme back to me Mayvidi ka.
Track Name
Track Artist